'DIE BLYE BOODSKAP VAN JESUS CHRISTUS'

As gelowiges bely ons: "Hy het opgevaar na die hemel en sit aan die regterhand van God."

Hiermee bevestig ons die feit dat onse Here opgevaar het na sy Vader en ons menslike natuur met Hom saamgeneem het. Ons vier sy Hemelvaart en ook ons eie toekomstige hemelvaart. 

Dié waarheid leef ons nou al uit deur 'n lewe van gehoorsaamheid aan God se gebooie en volharding in die geloof. Die hemel bly die einddoel van ons bestaan en daarom leef ons nou al op 'n hemelse manier. 

• Jesus sê toe vir sy dissipels:  “Gaan die hele wêreld in en verkondig   die evangelie aan die hele mensdom.  Wie tot geloof gekom het en gedoop is,   sal verlos word;  maar wie nie tot geloof gekom het nie,  sal  veroordeel word.  Nadat die Here Jesus met hulle gepraat het,  is Hy in die hemel opgeneem   en het aan die regterhand van God gaan sit.  Hulle het toe uitgegaan en oral gepreek.  Die Here het met hulle meegewerk  en die prediking bevestig met wondertekens  wat daarop gevolg het. Amen.”  (Uit die heilige Evangelie volgens Markus 16: 15-16, 19-20)